Bandow deg deg ah oo Caawa ka bilaabmaysa ayaa lagu soo rogay Magaalada Addis Ababa iyo gobalada Itoobiya qaar kamid ah oo ay rabshado ka dhaceen labadii maalmood ee lasoo dhaafay.
Ra’iisul Wasaare Abiy Axmed ayaa toos u maamulaya howlaha socda,isaga oo la wareegay awooda Milateri, waxaana shaqada amni sugida la wareegay Xoogaga Milateriga si ay u sugaan kala dambeynta dalkaas.
Ilaa saddex qarax oo halis ah, lana doonayay in lagu beegsado xarumaha waa weyn ee magaalada Addis Ababa ayaa la fashiliyey, sida ay sheegeen booliska Itoobiya.
Xaalado aan wanaagsaneyn ayaa laga soo sheegayaa dalka Itoobiya,iyada dowladda dalkaasi ay xidhxidhay xubno kamid ah mucaaradka ugu weyn Itoobiya.
