Madaxweyne ku-xigeenka Somaliland Oo Xafiiskiisa ku Qaabilay Wafdi ka Socda UNSOM.
Caasimadda Somaliland ayaa Maanta lagu soo dhaweeyay Wafdi uu Hogaaminayay wakiilka cusub ee Xafiiska UNSOM ee Arrimaha bina-aadam-nimadda Mr. Adam Abdul-mowla, oo soo gaadhay magaalada Hargaysa.
Madaxweyne ku-xigeenka Somaliland, Mudane Cabdirxmaan Cabdullaahi Ismaaciil (Saylici) ayaa Xafiiskiisa ku Qaabilay wafti uu hoggaaminaayo wakiilka cusub ee Xafiiska UNSOM u qaabilsan dhinaca gar-gaarka bina-aadam-nimadda Mr. Adam Abdul-mowla.
Kulankani waxaa lagaga wada hadlay sidii xafiiska gar-gaarka ee UNSOM usii laban laabi lahaa Hawlaha gar-gaar ee uu ka waddo Somaliland.
Kulanka Madaxweyne ku-xigeenka Somaliland uu la qaatay wakiilka cusub ee Xafiiska UNSOM ayaa waxaa ku wehlinayay Wasiiro ka tirsan Xukuumadda Somaliland iyo xubno kale.
