Sacuudiga oo caawimaad weydiistay’ Korea-da Koonfureed La Xidhiidha Difaaca Hawada Sare

Dhaxal-sugaha boqortooyada Sacuudiga, Maxamed Bin Salman ayaa ka codsaday Korea-da Koonfureed inay ka caawiso xoojinta habka difaaca hawada dalkiisa, kadib weeraradii lagu qaaday goobaha saliidda laga soo saaro ee dalkaas.

Wakaaladda wararka Korea-da Koonfureed ee Yonhap oo warkan werisay ayaa sheegtay in Bin Salman iyo mas’uuliyinta Seoul ay isku raacaan inay sii wadan wada-tashiyada la xidhiidha  arrintan.

Weeraradii sabtidii lagu qaaday laba goobood oo saliidda laga soo saaro oo ku yaalla magaalada Riyadh, ayaa waxaa sheegtay kooxda Xuutiyiinta ee dalka Yemen, hase yeeshee Sacuudiga iyo Mareykanka ayaa tuhmaya iran.

Hase yeeshee Tehran ayaa beenisay inay ku lug lahayd weerarkii 14-kii September.

“Waxay doonayaan in cadaadiska ugu xoogga badan ay saaraan Iran, ayaga oo aflagaadeenaya” waxa asidaas yidhi madaxweynaha Iran Hassan Rouhani, sida ay ku warantay warbaahinta dowladda.

“Ma dooneyno dagaal…yaa billaabay dagaalada gobolka” ayuu yidhi Rouhani oo Washington iyo xulufadeeda ku eedeeyey dagaalka ka socda Yemen.