Shan Nin Oo Kalluumeysato ah Ayaa Lagu La’yahay Xeebaha Puntland
Shan nin oo ka tirsan kalluumeysatada Puntland ayaa lagu la’yahay xeebaha baddaha deegaaamada Puntland mudo 4 maamlood ah, waxaana xaalad kalluumeysatadaas ka waramay wasiirka wasaaradda kallumeysiga Puntland Faarax Maxamuud Cawaash.
Wasiirka ayaa sheegay inay dhowr doon u direen si ay usoo helaan kalluumeysatada la la’yahay, balse waxa uu sheegay inaanay kusoo guuleysan.
Faarax Maxamuud Cawaash ayaa sidoo kale sheegay inay la xidhiidheen ciidamada caalamiga ah ee ilaaliyaha xeebaha Soomaaliya, kana codsadeen inay gacan ka gaystaan soo helistan dadkan.