XAALADDA CEEL AFWEYN WAA DUDUMO CIID KA MAYDH
Waxaan salaamayaa dhamaan akhristayaasha iyo hawl wadeenada warbaahinta kuwaas oo soo gudbiya aragtida iyo rayiga dadweynaha.
Waxaa ilaa imminka dadweynaha reer Somaliland ay aad iyo aad ula yaaban yihiin dagaaladdan dabada dheeraada ee ka socda degaanka Ceel Afeyn nawaaxigiisa . Dagaaladdasi waxay bilaameen tan iyo intii xukuumadihii kala dambeeyey ee Kulmiye uu dalka maamulaayey Madaxweynihi hore Siilaanyo ilaa Muuse.
Tuulooyin ayaa dadkii lahaa laga baabiiyey oo ay nabadgalyo ku siisteen ilaa iminka nabadii may sal dhigin sida wararku ay sheegayaan markasta oo nabada la xidhi ama dadka la dhaariyo dhinac ayey ka jabtaa taasina waa mid subxaane leh dadku miyaaney islaam aheyn .Waxaan leeyahay labadaa beelood ee isku ehelka ah ee maalilkasta dhiiga walaalahood sida ciyaarta ah ku daadinya ilaahay ka baqa oo dhiiga joojiya .
TALLO SOO JEEDIN.
- Waan soo jeedinayaa nimankaasi colaad may arrag iyo dagaaltoona waa in beelaha halkaasi degan lagu sameeyaa hubkadhigis mid yar iyo mid weynba ,inlaga mammnuuco xitaa inay qaataan Tooryaha.
- Waa in min 1000 nin lagu daraa ciidamada qaranka isla markaasna la geeyo jiidaha hore ee dagaalka si ay dalka u difaacaan iyaguna isu nabadgaliyaan.
- Sacad yoonis iyo Baha farax Biciidle waxaad dalkii ku noqoteen nabaar aan bogsaneyn dagaal aan dhamaaneyn dhulkana ilaahaybaa leh cid gaar ahi malaha ee si nabad ah ku daaqa dadkii bariga degnaan ceeb ayaad u soo jiideen Galbeedkiibaa idinku qoslaya carurrtiina waxbarsho ma haystaan ,caafimaad ma haystaan .
Ceelafweyn xaaladdiisu waxay ka dhigan tahay ” DUDUMO CIID KA MAYDH” miyey ka maydhmeysaa jawaabtu waa maya dadkii waa yaaban yahay dhaari dhamaatay,aamin dhamaan. Waxaan sinaba dhaliil ugu fakaneyn maamuulka gobolka sanaag ee loo sheegaayey in Tiknomo lagu haysto gobalka oo aanu wax talaabo ah ka qaadin marka dawladda lagu eedaynaayo dagaalka waxay noqoneysaa arrin run ah in beeluhu ay tikniko ay haystaa ama mid ka mid ahi ay haysato waa fashilka dawladnimo,
Ahmedbudul@hotmail.com
Ahmed Daacad.