Oodweyne News - Latest Somali News Update

Maanso : Kuman-yaal milyuun

Kow kowba uma soo qabsado

Kaafka maansada,e

Balse kibir markuu muuqdabaan

Soo kilkili yaaye

Kasii daran ayay xaajadii

Kuududaa timiye

Kuman yaal milyuunbaan lunsaday

Keene golihiiye

Waa kala badh S/LAAN intii

Shaahba aan karine

.

Kan xeraystay waxoodi haddana

Weli ku soo taagan

Ee kabaa uisii xidhan wax badan

Een karbaash mudanin

Koon-kaba waxaan laga aqoon

Yay kunbana yaane

Kadab-kood go, xaaraanta way

Korin yaqaanaane

Kulmiyaha intii tuug ahayd

Yaa kuraasta ahe

.

Kuligood sujuud baa wejiga

Bari ku taalaaye

Ka xishooda may garan intaa

Kiish la buuxsadaye

Inta ay karaar-kaa yihiin

Xuma ukooraysan

Kor ma qaban salaadoodiyoo

Waa killaal dhexe,e

Kufsi weeye qarankii dhammaan

Kaa halla ogaado.

MOHOLIN .