File kii shirkii gacanlibaax yaa arkay?
Dhaqane iyo dhaashane
dhalin weeye magaallo.
dhaqankoodu mid maaha .
Dhaliil la iskama qaato .
DHafoor taabasho weeye .
Dhibtana la iskuma eego.
daily way kaftamaan .
Hadana la isma dhegaysto.
Dhoohanaad tahay waalan iyo
adaa dhoocil ka liita
warkoodaa ku dhamaadee .
Kaalayoo bal dhegeyso
Dhaqane;Waar file kii shirkii gacanlibaax yaa arkay?
Dhaashane;Waar horta dadku mar uun buu quustaane ,weli miyeydaan doorashadii baas ka quusan?Wax baa nalagaga shubtay duun baa haysaan sanad dhan e.
Dhaqane;Oo idinku ma runtaa diidaysaan?waraaqaa sheegaysaane dad nool baa nalagaga shubtee.
Dhaashane:Waa yaab! Adigu ma daashid miyaa ?toban sanaad qaaq daas uun haysaa.
Dhaqane;Waar waxaa iska daayoo imika ma diideen inaa gudidii doorashooyinka bedeshaan?Ma nimanka lacagtii xunbo weyne cunay baa gudi bedelaya?iska gala adeer keligiin doorashada
Dhaashane:Waar horta waxan yaa kuu soo warama ileyn wadankiiba ma joogtide?
Dhaqane:Nin baa laga hayaa:Waxan ahay nin waayaha aduun wax uga muuqdaan.Waxyi iguma soo dego hadana wax ima dhaafaan.
Dhaashane;Ma dhegaysatay wasiirkii gaashan dhiga ?Wuxuu yidhi,col Caare waanu soo qabanaynaa.
Dhaqane;Iska hadlow ina Kulmiye dheh.Faan weynaa .Maba oga inaanu wiilkii noo dhashaba hada u bixino Caare miyaa?Waar adeerow xafladahaagaa iska dhex meerayso dheh.waxa kalood ku tidhaa waxa lagu yidhi;
Wligaa adoon qadin
Bisilkaaga qaatoo
Nolashaadu qabow tahay
Hadii aad qiyaas xumo
Dadka moodo wada qani
Qalbigaa ku oodmoo
Mid quraacdu seegtoo
Mar qadeeyey baa jira
Saddex aadmi quud heloo
Mid ka qadaya baa jira
Qoraxdana la nooloo
Qanaciisu boqol yahay.
Waa qalinkii:Baxnaan x aden diiriye
Sweden