SV: GABAY KALA MAAN iyo tixdii oo dhamays tiran iyo qisaday ku soo baxday
—————————————————————————-
safarkaynu maalintii maxamed yar socdaalaynay
soo noqoshadeenii adaa seexday oo ladaye
anigu waan ka saahiday hurdiyo khuuro sahalkeede
su,aal maanka iga taabatuu soo celcelinaayay
samictuna dhagtay maqal intaan dunidan soo daaqay
sodon saniyo toban saayidaa loogu saakimaye
maxbuus galaya sooyaal iyo sugida taariikhda
alan baqiyo seel uu nasiib jeel silsiladeeyay
qiso aan safaad gayin midii dhalisay suugaantan
qiyaasteedd sirr iyo caadd sifaan soo bandhigayaaye
sidaan anigu goob joog ahaa waan sawirayaaye
cabdi kariin siduu yidhi iyana waa ugu simayaaye
bal dhagayso sumcadoow tixdaan siinka ka higaadsho
———————————————————————–
calankii sitiinkii xornimo nayla siinaayay
labadii la saanyaday qorshaha saami kala raacye
dhismaa horeba seeskii xunbaan sari ku taagnaane
inkastuu saluugina halkaa maanta sababeeyay
sadex maqana balankaa ku jiray soo midnimadoode
shantaa sahanka loo wada ahaa idilka soomaale
siyaasaduna waa noocyo badan loo sardamayaaye
waxaan mooge sadaalin karin subaxba weeyaan
sooma jeeste qiiraysanbay so, u atilmaantaaye
isna dhawrr siyaabood siyaad tiisi lagu sheegye
qofba siduu u haystana dadkaan cidi ka saaraynn
si kastana sax iyo qaladd haysku seegeeneene
isa sudhante dawladii afrika ugu sandheereye
dagaal dagallka salabeeyayoo saymalaa dhacaye
saban-sabanki saamee gayiga sabada geeskeene
miladari sarkaal iyo dablaha saajin iyo boolis
xeer ay kala saxeexdaan sharcay wada samaystaane
waxa ciidan loo sii hab, bari saad, danbuu mudane
amarrbaa la siyaa intoo siidhi loo tumo,e
saqda dhex kamaan daw hadii sawd la maqashiiyo
saqle orodka waa kuwii ku gala goob saraaye, ahe
ragba sabi yar waa wada ahaa saynn cadaadiguye
aniguna saqiirrnimo dhacdadan sii xasuusaniye
————————————————————–
halkaan uga socdaabaan murtidan toos u sarayaaye
wax la yidhi sabaankaa markii laysku seef qaatay
sawjarr daacad dirirrtaa ku baxay magaca soomaali
siddrigiisa maankiyo qalbiga saxarr u hoosaynin
sidaa kuna dhufays galay halkiyo soonihii faranta
sinta dhigay ateerada godkiyo seeska kii adage
rag colaadd xun isa seegaybaa male la suurayne
qofna saamaxaad ma leh wakhtigay saalbo dhacaysaaye
ninba wuxuu sameyana colkii wuu ku saakimiye
garab casiyo karaa mardhiyo surumihii xaadow
cirka sariyo salaays dusheed samadu qiiqowday
cabdi iyo safkiisoo markaa seerarr gaylamaya
soona jiida marinkii hawaas calanka saaraaya
oo sugaaya guushay heleen sacab garaaceeda
salaan dheerna dharkigii la jabay siibashana taaday
sansaankana sidii guray sifaha loo sawiray muuqdo
amxaarr bari samaadkaa darbaa saacidoo u baxaye
goortay xulufo gacan siisaybay kor u sitaaceene
wax soomaali waagaa ahayd gacan sareeyiiye
balo salagg leh looma taag heliyo saawasaawaha,e
wax sinbiidho keeniyo wixii sababay mooyaane
siyaasaduhu waakuwii is rogay saacad ,dabadeede
cabdi aagu seeruhu ku jiray lagu siq goobtiiye
isna kuuba waa lagu saliday saancadii qabane
alanbiqo seel iyo ku ride sibidhyo hoostiiye
gacmaa sil-silad waa loogu xidhay seeto, oo kale,e
xornimada sadkeed wayn adoo suuq iskaa maraye
dhulka lagu saqaafiyo hawada samada guudgeeda
sadex noloshu ma huraan u tahay caadba laga saarye
sagall iyo iftiin iyo caceed muu sabaan aragg
————————————————————————-
sindhidh wuxuu la boodiyo wuxuu sakatiyuu khoofay
wuxuu salall la toosiyo wuxuu sii sal-salay qaylo
wuxuu suluska laylkii wuxuu jiif sin dhigis diiday
wuxuu soogg istaagiyo wuxuu sare u joog doortay
safradd wuxuu ka door biday wuxuu soor u garan waayay
wuxuu soomall haadiyo wuxuu oon surmiyay gaajo
wuxuu dacar hulaaqmiyo wuxuu mililo saaqmaayay
sakaraadd wuxuu galay wuxuu suuxdin dhiman gaadhay
saxariirr wuxuu maray wuxuu silic maryaadaayay
wuxuu shay xun suus nacay wuxuu uga sariigg booday
wuxuu maan saluugiyo wuxuu ciil sardamay hiif leh
awgii wuxuu sokeeyana wuxuu sawyo xidhan jiidhay
suryo wuxuu ka daydayay wuxuu surin tolkii jeexay
war-war wuxuu, u saynn go,ay wuxuu yaab sarkacay xaajo
wuxuu saar naftii yidhi wuxuu huug la sudho raadsahay
wuxuu suganyay goortuu fikiray wuxuu samaa yeelye
wuxuu camalka saalaxa wuxuu oog u kacay suuban
salaadd wuxuu niyaystiyo wuxuu badan sujuudaayay
qiyaas wuxuu suxuurtiyo wuxuu male ku soomaayay
subcis wuxuu quraankiyo wuxuu soo akhiyay suuradd
wuxuu sidaa ahaatana wakhtigu waa wax kala soocye
———————————————————————
sadaalaha aduunkaan iyana eebe yoom simine
sulla iyo gadaall iyo hadadan saacan aan joogno
sucdigiyo nuxuuskiyo ximruhu mee sal dhigi waaye
hadba falaga saxall meerayaa subaxba waa cayne
siniqsiga sidii diin nafsina soo habeen dhixiye
duul siyaado dheeraad qabaa sabanku taabtaaye
iyaduba sakaaradu is tidhi saaladeedd qariye
kala saydhay suubaanta iyo ciida siigada,e
balse saani way muuqataa saan yar digadeede
socon wayday been iyo waxay suuqa galiyeene
shayba sixirrka uu,iibsamuu sayladii jariye
sabadii maqaaliyo rugdood saamigood hele,e
laga saydh tikrayguna waxay sadoba haysteene
haday oromo sahall moodayeen kicisay suunaam,e
hubaal maanta taashkii saray maxada saarteene
cabdigii ka saahiday ifkana waa la saamaxay
haybtii soo bandhigidii dadkuna wuu ka saacidaye
abiyaa sakootiyay xabsina maca salaameeye
siisawbuu filayee hamarre gurada loo saarye
taraag saacad mood qudha cabdina suuq dhex marintiiye
sodii dhalashadiisii ku yimi socod gabiilaye
waran iyo salaan iyo markii sadar la waydiiyo
wuxuu yidhi sufuudhaha madaxa timahan ii soohan
ayaa sida su,aaha waxaad iga sugaysaane
naftu igama siib bixin dhulkana seel yarr ku lahaaye
dadkii safarka aakhiro baxay tayda simanyiine
wixii saymo aan maray hadana ruuxdu ii sudhane
taan ku seegay xaygana ahaydd qarankan soomaale
war i siiya idinkaa sugnaa duni siraadnayde
iyadoon sill-siladd wixii dhacayba sooyaalka
cidi aan xog badan siin ayaa loo sarbeeb dhigaye
sunaa bidixna waa loo jabshoo loo sanqadiyeeye
wax la yidhina soomaali wayn saaka taladeeda
siday tidhaa itoobiya ayaa lagu sar gooyaaye
siyaad barena waatii la riday qaatay seeftuna
dawladiina sarifbaa ku dhacay shilin sidiisiiye
qoys kastaa astaan siday jibada saararr loo tumo,e
soksokaagan geedkaad fadhido seeskan dhinacaagan
sadex midable calanka ahee samayda loo joojay
ayaa saami aan leenahoo teenanan guud sudhane
sumadeedu waa gooni, iyo laanta soomaale
afka gacanta saarana la yidhi oo la soco xaalka
wayeel hadallka waa loo sara saafan dabadeede
isaguna sareexada rayiga sheeg siduu qabaye
wuxuu yidhi sidii hore aniga magac soomaali
siisanmaayo qorshaad wataan saatifnimadeede
sawgii haro garduurr hawdd halkiyo sugumo iyo doolo
soonihii hawaas iyo jigjiga seerihii herarrba
enefdhii sawaaxil dhulkuu saanyatuu qaatay
sabadii jabuutiyo bal-bala cali sabiix guudka
sadexdii maqnaan jiray is idhi waar siyaad qabaye
sareediyo iyo barwaaqiyo waxaan sadaba qoondeeyay
barray siday niyaysiyo bilaall soo ban dhigistiisa
isa seegii labadaa helee maan sidiqi waayay
salsalwayaya male waxaan suura galahayne
suurad taan ku haystiyo sidani waaba kala haabe
ka siqsiqayna soomaali iyo sabankay joogtaaye
awalbaanse siiq aan ahaa xidid sudhnaa,uune
warkan aad i siiseen qalbiga sii saliillyeeye
moogii ,i sed roonaa kobtiyo sakaradaydiiye
seeshii jeelki waa dhaami layde dhaban shan saarkaye
saban-saban ka soo hadhay wadkana saadirbaa qoro,e
wax la hubana seefbaa la qiri malagg la seegayne
samirrna waan aqaanaa wax badan saymo soo maraye
ictiraafna idinkaa dhur sugi muuse soo sido,e
nin aaminay sumxaanbaa rabigu sare u qaadaaye
intaan saxayo tawxiidka, een lay sin dhigin iilka
meel uun sali yar waab ii dhigaay suubanaa jira,e
sadarna kii dar-daarana hadaan hadal ku saan gooyo
hana quusan soomaaliyeey guul samii, imane
—————————————————————-
—————————————————————–
tixdan soofka aan geeyayayeen siinka ka higaadshay
ana gabaygu yuu sibqine waxaan ku sameelay
kolay sabankan maantii wax badan dunida saameeye
sir ma qabena eebaa ku filan waana sahankiiye
ninka hadimo sii qoda godd dheer inuu ku siibtaana
subax noolba waa ay dhacdaa loo arkaa sahalle
duul kastoo sakalo xidha dibay sahayandoontaaye
sababtaana weeyaan waxay rag isu seegaane
dirirrtana sideedaba hadii laysku seef qaato
qoomkii kibirka sanka taagabaa lagu sadqeeyaaye
saanad qaraxday saalbada rasaas geeri loo simane
sidii gacanlow maansada ku yidhi waa run saafiyahe
baadil looma seexdiyo dulmiga lagu surr gooyaaye
fii sabiililaahidu ku sugan suuradaa qorane
idinkana siniinbaa gunimo idin dul saarrnayde
balse wuu ku saaciday wakhtiga,aad- dhur sugayseene
oromooy sixiiniyo waxaad qalad samaysaanba
taariikhda sooyaal hadhow soo diwaan galine
sadex dibi tabtoodaa iyana loo sasabayaaye
mar is idhi sun lagu muday ayaa saaqday gabigoode
suuxdintay la jiiftana ka wacan sare u tooskeede
ka sal dhawri soomaalidaad sabo wadaagtaana
—————————————————————-
CURIYE ISMAACII IRAAHIN XASAN ISMAACIIL
IBRAAHIN YARE facbook ismaaciil faaliye