Xaalad Ka Dhalatay Jaakad Ay Safar U Xidhatay Xaaska Trump
Marwada koobaad ee Maraykanka Melania Trump ayaa lagu dhaliilay jaakad ay u xiratay safar ay ku tagtay meel carruurta muhaajiriinta lagu hayo oo ku taalla Texas. Melania ayaa la arkay iyadoo xiran jaakad ay ku qoran tahay “dan iyo muraad kama lihi ee adiguna”?, iyada oo markaas sii fuulaysa diyaarad.
Afhayeen u hadashay ayaa sheegtay in aysan “duur xul ahayn” dookha jaakadda ay dooratay Melania. Jaakadda Zara oo 39 doolar la siiyo ayaa caro ka dhaliyay baraha ay bulshadu ku xiriiraan.
Madaxweyne Donald Trump ayaa markii dambe Twitter-ka soo dhigay in jaakadda xaaskiisa “loola jeedo warbaahinta beenta ah”.
Dadka baraha bulshada isticmaala ayaa isla markiiba dhaliilay fariinta aan qarsoonayn ee xaaska madaxweynaha. Qofkan ayaana Twitterka ku soo qoray in marwadu ay ula kac u soo xiratay iyadoo heli kartay in ay xirato jaakado ka qaalisan.
